Kapalaklar sirki

Tavsif

– Ha, o‘g‘lim, intilsang agar, istalgan cho‘qqini zabt etasan! Joshua Vaygelning ayni vaqtda motivatsiya beradigan eng mashhur ma'ruzachilardan biri Nik Vuychich ishtirokidagi dramasi tomoshabinni Buyuk Depressiya davriga olib boradi. Mendez – "Kapalaklar sirki” direktori o‘z truppasi bilan Janubiy Karolinaga keladi. Yarmarkada u odamlarga o‘zini namoyish qilish bilan kun ko‘rgan Uill ismli, qo‘lsiz va oyoqsiz bir majruh yigitni uchratadi. Mendez bilan uchrashgach, Uill uning truppasiga qo‘shilishga qarorini qiladi va "Kapalaklar sirki” ning mashinalaridan biriga yashirinib kiradi. Mendez va sirkchilar uni o‘z davralariga qabul qilishadi. Uill truppa a'zolarining qayg‘uga to‘la o‘tmishlarini eshitadi va Mendez ularga qanday qilib hayotga bo‘lgan muhabbatni qaytarayotgani haqida bilib oladi. Bir kuni Uill tasodifan suzishni o‘rganganini anglaydi va sahnada murakkab bir tryukni bajarishga – kupolning eng baland joyiga ko‘tarilib, kichik hovuzga sakrashga qaror qiladi. Uill o‘ziga bo‘lgan ishonchini tiklaydi, o‘zidan faxrlanadi, haqiqiy baxt nima ekanligini his etadi.